İsrailin 30 "F-35" təyyarəsi pilotları ilə birgə məhv edilib.
IRIB-ə istinadla xəbər verilir ki, bunu sabiq İran diplomati Həsən Kazemi Qumi deyib.
Kazemi İslam Respublikasının Kabildəki səfirliyinin rəhbəri və prezidentin Əfqanıstan məsələləri üzrə xüsusi nümayəndəsi vəzifələrində çalışmış eks-diplomatdır. O, Mahmud Əhmədinejad hökuməti dövründə İranın İraqdakı səfiri olub.
12 günlük müharibə zamanı İran ordusu rəsmiləri 5 "F-35"in vurulmasını açıqlayıblar. Lakin İslam Respublikasının rəsmi məqamları indiyədək bu iddianı isbatlayacaq foto/video sübutlar təqdim etməyiblər.
"F-35" mövzusu İran mediası və sosial şəbəkələrdə hələ də geniş müzakirə olunur. İndiyədək iddiaya dair 2 video paylaşılıb, amma onlara dair rəsmi təsdiqləyici bəyanat verilməyib.
İsrail Xarici İşlər Nazirliyi "X"dəki farsca hesabında İran televiziyasında səslənən bu iddiaları müharibə dövründə ələ salaraq yazmışdı: "Niyə hələ də əsir düşən pilotlarımızın şəkillərini dərc etməmisiniz? Biz çox narahatıq".
Mənbə: yenisabah.az
scorpion.az