Paşayeva Tovuzda gənc idmançılarla görüşdü

Millət vəkili, Milli Məclisin Mədəniyyət komitəsinin sədri Qənirə Paşayeva 2022-ci il üzrə Azərbaycanın Gənclər paytaxtı olan Tovuzda müxtəlif yarışlarda uğur qazanan yeniyetmə və gənc idmançılarla görüşüb.

Axar.az xəbər verir ki, Qovlar şəhərində yerləşən Tovuz Gənclər Evində keçirilən görüşdə müxtəlif növlərdə klublararası, respublika, Avropa, Avrasiya və dünya çempionat, birincilik və kubok yarışlarında yüksək yer qazanan idmançılar – alpaqutçular, qolgüləşçiləri, taekvandoçular, budoçular, stronqmençilər öz uğurlarından söz açıb.

Azərbaycanın Gənclər paytaxtı Tovuzun gənclər və idman ictimaiyyətinin öz fəallığı ilə seçilməsindən məmnunluğunu bildirən Q.Paşayeva onları maraqlandıran mövzular üzrə ətraflı fikir mübadiləsi aparıb.

Millət vəkili yeniyetmə və gənclərin, idmançıların uğurları ilə tanışlıqdan çox məmnun olduğunu bildirib, onlara yeni uğurlar arzulayıb, Qarabağ motivli xatirə hədiyyələri bağışlayıb.

Görüşdə rayonun Gənclər-İdman İdarəsinin rəisi Sahib Ələsgərov, Tovuz Gənclər Evinin direktoru Rauf Rüstəmov iştirak edib.

Axar.az

ƏVVƏLKİ XƏBƏR

KREML AVROPA BİRLİYİNƏ ŞANTAJI GÜCLƏNDİRİB – Qərb ölkələri isə Rusiyanı milyardlarla dollardan məhrum etməyin yollarını tapıblar

SONRAKI XƏBƏR

Qaraqalqapıstanda qara niyyət: Özbəkistanda nə baş verir?