"Real"ın baş məşqçisi Karlo Ançelotti ötən gecə La Liqanın 26-cı turunda "Barselona"ya uduzduqları matç (1:2) barədə danışıb.
Qol.az xəbər verir ki, o, deyib:
"Matçın sonunda hər şeyi sınadıq, amma konsentrasiyanı itirdik və qol buraxdıq. Çox yaxşı oyun gedirdi. Qarşılaşma sona qədər bərabər və gərgin keçdi. Qələbə qazanacağımıza inanırdıq".
Mütəxəssis 81-ci dəqiqədə futbolçusu Marko Asensionun vurduğu qolun ləğvinə toxunub: “Bizim hələ də həmin qol zamanı ofsayd olduğuna şübhə edirik. 100 faiz əminlik yoxdur. Madridə şübhə ilə gedirik.
Düzünü desəm, məğlubiyyətə layiq deyildik. 2022-ci il dünya çempionatında ofsaydlar çox aydın idi, amma burada hələ də şübhələrim var. DÇ-2022-dən sonra yanvar ayı bizə baha başa gəldi. Amma indi hər şey qaydasındadır. "Real"ın mövsümü yaxşı başa vuracağını düşünürəm .
Qarşılaşmalara yaxşı hazırlıq bizim prioritetimizdir. Bu, mövsümü yaxşı başa vurmağın yeganə yoludur".
Mənbə: qol.az