Amerikalı biznesmen İlon Mask tviterin adını dəyişməyi planlaşdırır. Yeni ad və loqotip X hərfi ola bilər.
“Bu həqiqətdir”, - deyə o “Twitter Daily News”ın müvafiq məlumatını şərh edərək yazıb. Lakin hal-hazırda paylaşım artıq silinib. Mayın 31-də “The Babylon Bee Talks” nəşrinə müsahibəsində Mask bildirib ki, “təsviredici brendlərə” inanır, bu halda X “istənilən məna verə bilər”.

O deyir ki, iri formatlı video, foto və mətnlərin yerləşdirilməsi üçün meydança kimi tviterin gələcək inkişafına baxışı qısa mesaj mübadiləsi aləti kimi sosial şəbəkə yaradıcılarının orijinal ideyasından fərqlənir.

 

Mənbə: azvision.az