Aparıcı Azər Axşam yenidən ATV kanalında işə başlayıb.

Publika.az xəbər verir ki, o, "Bişir qazan" adlı proqramla efirə qayıdıb. Mətbəx və yarışma mövzusunda olan proqram həftədə bir dəfə yayımlanır.

Qeyd edək ki, A.Axşam bir müddət əvvəl işsiz qaldığını, ATV-nin onunla çalışmaq istəmədiyini söyləmişdi.

"İşim yoxdur. Ancaq serialdayam, veriliş yoxdur. ATV kanalından uzaqlaşdım, mənimlə işləmək istəmədilər" deyə, o, açıqlamasında demişdi.

Daha sonra onun "Kanal S"də işə başlayacağı xəbəri yayılmışdı. (Axşam.az)

Mənbə: publika.az