"Elgizlə izlə" komandasının çəkiliş qrupu Gəncə şəhərindən olarkən mərhum müğənni Aslan Hüseynovun məzarını ziyarət edib.

Bu barədə "Elgizlə izlə" verilişində görüntülər nümayiş olunub.

Proqramın aparıcısı Elgiz Əkbər Aslanın istedadlı müğənni olduğunu deyib. O sənətçiyə Allahdan rəhmət və ailəsinə səbr diləyib.

Mərhum müğənni anası Fatimə Hüseynovanın məzarı yanında dəfn edilib.

Xatırladaq ki, Aslan Hüseynov 2021-ci ilin mayında avtomobil qəzasına düşərək vəfat edib. O mayın 5-də Gəncə şəhərində İmamzadə qəbiristanlığında torpağa tapşırılıb.

Mənbə: musavat.com