Erməni ailələri itkin hərbçiləri axtarır – “DNT testlərinə inanmırlar”

“Müharibədən səkkiz ay keçməsinə baxmayaraq Ermənistanda ailələr hələ də itkin hərbçiləri axtarır. DNT testlərinə inamsızlıq və informasiya qıtlığı hökumətə təzyiqi daha da artırır”.

“AzPolitika.info” xəbər verir ki, bu barədə Britaniyada nəşr olunan “The Guardian” qəzetində dərc olunan məqalədə bildirilir.

Tibbi Ekspertiza Elmi Praktik Mərkəzi ildə bir neçə DNT testi aparırdı. Müharibədən sonra mərkəz yüzlərlə sümük, cəsəd parçasını müəyyənləşdirməyə çalışır.

DNT testləri aparan özəl şirkət rəhbəri Anna Hovhannisyan deyir ki, adamlar rəsmi laboratoriya nəticəsi və DNT hissələri ilə onların yanına gəlir, təkrar ekspertiza yoxlama istəyirlər.

“Adamlar bizə inanmırlar, ona görə də bizi yoxlayırlar. Onlar bizə ailədən olmayan birinin nümunəni gətirib deyirlər ki, ailədəndir, bizi sınayırlar. Biz bunun ailədən olmadığını anlayırıq, amma dəyərli vaxtımızı itiririk”, – o vurğulayıb.

Ölkənin baş nazir əvəzi Nikol Paşinyan müharibədə öldürülənlərin sayının 3 min 700-dən çox olduğunu deyib. İtkin sayı isə 268 nəfərdir. Amma müxalifət bu rəqəmin dəfələrlə yüksək olduğunu açıqlayıb. Məlumatlara görə, 1400-dən çox şəxs hələ də itkin sayılır.

Azpolitika.info

ƏVVƏLKİ XƏBƏR

Türkiyənin F-35 proqramından çıxarılması... – ABŞ generalı

SONRAKI XƏBƏR

Azərbaycanda tullantı sularından maksimum istifadə məsələsinə baxılacaq