Beynəlxalq Cinayət Məhkəməsi (BCM) həbs orderinə dair qərar verərsə, Almaniya İsrailin Baş naziri Benyamin Netanyahunu həbs edəcək.

Bizim.Media xəbər verir ki, bunu Almaniya hökumətinin nümayəndəsi Stefan Hebstreit bildirib.

O qeyd edib ki, İsrailin baş naziri Netanyahuya qarşı beynəlxalq həbs qərarı verilərsə, Almaniya onu həbs etməyə borclu olacaq:

"Biz qanunlara bağlıyıq. Almaniya BCM-ni dəstəkləyir və bu hər zaman belə qalacaq".

İsrailin ölkələrə həbs qərarını icra etməkdən çəkinməyə dair çağırışını Almaniyanın qəbul edib-etməyəcəyi ilə bağlı sualına isə rəsmi nümayəndə cavab verməkdən imtina edib.

Bizim.Media

Mənbə: bizim.media