Bu il Ermənistanda silahlı qüvvələr günü təmtəraqlı şəkildə qeyd edilməyəcək. Azvision.az xəbər verir ki, bu barədə Ermənistan müdafiə nazirliyinin ictimaiyyətlə əlaqələr şöbəsindən bildirilib.
Məlumata görə, iki gün sonra silahlı qüvvələrin yaradılmasının 29-cu ildönümü münasibətilə hansısa bayram tədbirinin keçirilməsi planlaşdırılmır.
“Böyük bir bayram mərasimi olmayacaq. Yalnız hərbi hissələrdə təşkil ediləcək müəyyən tədbirlərlə kifayətlənəcəyik", - deyə nazirlik bəyan edib.
Ermənilər hər il yanvarın 28-ni silahlı qüvvələrin yaranma günü kimi təmtəraqla qeyd edirdilər. Görünür, bu il Ermənistan rəhbərliyi Qarabağda ağır məğlubiyyətə uğrayan ordu üçün bayram keçirməyi məqbul bilməyib.
Tural Tağıyev
Mənbə: azvision.az