Çinin ən böyük neft-qaz şirkətlərindən biri olan "CNOOC"un keçmiş rəhbər müavini Yuan Quanyuy rüşvət aldığına görə iki illik təxirəsalma şərti ilə ölüm cəzasına məhkum edilib.
Bu barədə "Reuters" agentliyi məlumat yayıb.
Aparılan araşdırmalar nəticəsində məlum olub ki, Yuan Quanyuy ümumilikdə 22.5 milyon dollar (təxminən 163 milyon yuan) həcmində rüşvət alıb.
İstintaq materiallarına görə, sabiq yüksək rütbəli məmur rüşvət müqabilində müxtəlif şirkətlərə iri müqavilələrin və tenderlərin udulmasında, həmçinin digər kommersiya güzəştlərinin əldə edilməsində qanunsuz köməklik göstərib.
Qeyd edək ki, Çin qanunvericiliyinə əsasən, iki illik təxirəsalma ilə verilən ölüm hökmləri, məhkum bu müddət ərzində başqa bir cinayət törətməzsə, adətən ömürlük həbs cəzası ilə əvəzlənir.
Bizim.Media
Mənbə: bizim.media
scorpion.az