Gəncə Apellyasiya Məhkəməsində seksual xarakterli zorakılıq hərəkətləri etməkdə və uşaq pornoqrafiyasının dövriyyəsində təqsirləndirilən Namiq Əkbərzadənin (ad, soyadı şərtidir) barəsindəki hökmdən verilən apellyasiya şikayəti üzrə məhkəmə iclası yekunlaşıb.
Hakim Əlizamin Abdullayevin sədrliyi ilə keçirilən prosesdə qərar elan olunub.
Qərara əsasən, apellyasiya şikayəti təmin edilməyib.
İttihama görə, 2005-ci il təvəllüdlü Namiq Əkbərzadə qonşusu və qohumu olan 2020-ci il təvəllüdlü, 14 yaşına çatmayan, psixi və fiziki vəziyyətinə görə, onun barəsində edilən hərəkətlərin mənasını və xarakterini anlamayan, zərərçəkmiş şəxsi 2024-cü ilin avqust ayının əvvəllərindən başlayaraq həmin ilin sentyabr ayının əvvəllərinədək olan müddət ərzində, ümumilikdə 5 dəfə olmaqla özünün yaşadığı Bərdə şəhərindəki evinin yataq otağına aparıb.
O, azyaşlının köməksiz vəziyyətindən istifadə etməklə və edəcəyi seksual xarakterli zorakılıq hərəkətləri barədə kiməsə danışacağı təqdirdə özü və digər şəxslər tərəfindən döyüləcəyi və ya öldürüləcəyi barədə təhdid formasında zor tətbiq edib. Sonra Namiq qonşusuna seksual xarakterli digər zorakılıq hərəkətləri edib.
Bundan başqa, Namiq Əkbərzadə həmin şəxsə qarşı seksual xarakterli digər zorakılıq hərəkətlərini edərək, mobil telefonu vasitəsi ilə video çəkilişi edib. Sonradan o, yəni 2024-cü ilin sentyabr ayının əvvəllərində, həmin görüntünü “Telegram” sosial şəbəkəsində istintaqla müəyyən edilməsi mümkün olmayan kanala göndərməklə yayıb.
Gəncə Ağır Cinayətlər Məhkəməsinin hökmü ilə o, 17 il 6 ay müddətinə azadlıqdan məhrum edilib.
Mənbə: bizim.media
scorpion.az