Rusiya Kiyev vilayətində yaşayış binasına zərbə endirdi: Dağıntılar var - Video

Rusiya Kiyev vilayətində yaşayış binasına zərbə endirdi: Dağıntılar var - Video

Ukraynanın Kiyev vilayətinin Vışqorod rayonunda Rusiyanın pilotsuz uçuş aparatının hücumu nəticəsində beşmərtəbəli yaşayış binasına ziyan dəyib.

Bizim.Media xəbər verir ki, Kiyev vilayət administrasiyasının rəhbəri Timur Tkaçenkonun məlumatına görə, zərbə nəticəsində yanğın başlayıb, binanın birinci mərtəbəsindən beşinci mərtəbəsinədək mənzillər dağılıb. Xilasedicilər sakinlərin təxliyəsini həyata keçirirlər.

Hücum zamanı mağaza binasına da ziyan dəyib. Ölən və yaralananların olub-olmadığı dəqiqləşdirilir.

Hadisə yerində Fövqəladə Hallar üzrə Dövlət Xidmətinin əməkdaşları, psixoloqlar və təcili tibbi yardım briqadası çalışır.

Mənbə: bizim.media