Di Mariyadan uğurlu göstərici

PSJ-nin futbolçusu Anhel Di Mariya komandada qol ötürməsinin sayını 100-ə çatdırıb.
Qol.az xəbər verir ki, argentinalı yarımmüdafiəçinin bu göstəricidə yubileyi Çempionlar Liqasının 1/4 finalında "Bavariya" ilə keçirilən oyunda (3:2) qeydə alınıb. O, Kilian Mbappenin vurduğu qolda pay sahibi olub.

Argentina millisinin üzvü hazırda qol ötürmələrinin sayına görə yalnız klubun əfsanəvi futbolçularından olmuş Safet Suşiçdən (103) geri qalır.
2015-ci ildən Paris klubunda çıxış edən Di Mariya 100 ötürmədən 64-nü Liqa 1-də, 16-nı Çempionlar Liqasında, 11-ni Fransa Liqa kubokunda, 8-ni Fransa kubokunda, 1-ni isə Fransa Superkubokunda verib. Paytaxt klubunda 166 oyun keçirən 33 yaşlı futbolçu 51 qol vurub.

Qol.az

ƏVVƏLKİ XƏBƏR

Tim Cook Apple şirkətindən ayrılma barəsində danışıb

SONRAKI XƏBƏR

Azərbaycanlı jurnalistin filmi beynəlxalq mükafat alıb