Futbol üzrə Ukrayna Kuboku uğrunda final matçı baş tutub.
Axar.az xəbər verir ki, Xarkovda keçirilən final matçında "Dinamo Kiyev"lə Poltava "Vorskla"sı qarşılaşıb. Görüşün əsas vaxtı 1:1 hesabı ilə yekunlaşıb.
Əlavə vaxtda da hesab dəyişməyib, nəticədə penaltilərə müraciət olunub. Burada daha dəqiq olan "Dinamo" 8:7 hesablı üstünlüklə tarixində 12-ci dəfə Ukrayna Kubokuna sahib çıxıb. Yuri Maksimov isə 2018-ci ildə "Keşlə"nin baş məşqçisi kimi qazandığı Azərbaycan Kubokuna öz vətənində sahib ola bilməyib.
Mənbə: axar.az