Estoniyada kapoeyra üzrə beynəlxalq yarış və hakimlik məşğələsi Azərbaycan üçün uğurlu olub. Allsport.az saytı xəbər verir ki, Bakı şəhər gənclər və idman baş idarəsinin dəstəyi ilə ezam olunan komandamız 5 medal qazanıb.

Kapoeyra federasiyasının vitse-prezidenti Nahid Ağazadə və baş məşqçi Elgiz Əlizadənin rəhbərliyi ilə Nahid Ağazadə, Xuraman Ramazanova, Fəxri Məhəmmədlizadə 1-ci, Fərid Allahverdiyev 2-ci və Vüsal Babayev 3-cü yer tutublar.

Kiçik yaş qrupunda idmançımız Fəxri Məhəmmədəlizadə finala gedən yolda erməni əsilli rus idmançısını məğlub edib. Bundan əlavə, 4 məşqçimiz – Nahid Ağazadə, Elgiz Əlizadə, Oxçu Şahmuradov, Zahid Rüstemov beynəlxalq dərəcəli hakim adını alıblar.

Mənbə: moderator.az