C.Əhmədov: “İlahi, Səni itirən nəyi tapdı, Səni tapan nəyi itirdi?”

Öz çıxışını İmam Hüseynin (ə.s) bu kəlamı ilə başlayan Azərbaycan Qol Güləşi Federasiyasının prezidenti Cəsarət Əhmədov 70-ə yaxın idmançı ilə birlikdə torpaqlarımızın azad olunması uğrunda gedən döyüşlərə qatılmaq üçün Azərbaycan Respublikasının Prezidenti, Ali Baş Komandan cənab İlham Əliyevin əmrini səbirsizliklə gözlədiklərini bildirdi
Biz hər şeydən öncə bir müsəlman ölkəsiyik. Şəhidlik zirvəsinin başında duran İmam Hüseyn (ə.s) demişdir: “İlahi, Səni itirən nəyi tapdı, Səni tapan nəyi itirdi?” Bu gün biz də Allahımızı tanıyırıqsa, dinimizi, Vətənimizi və dövlətimizi seviriksə, bu zaman bu Vətənin torpaqlarından başqa heç bir şeyi, o cümlədən lazım gələrsə, həyatımızı belə itirməkdən qorxmamalıyıq. Allah da şahiddir ki, son otuz ildə möhtərəm Prezidentimiz cənab İlham Əliyev Qarabağ probleminin sülh yolu ilə həllinə nail olmaq üçün bütün imkanlardan istifadə etdi. Lakin bu imkanlar da tükəndi, ermənilərin təxribatları isə tükənib-bitmədi. Düşəmənlərimiz dəfələrlə onlara edilən xəbərdarlıqlara məhəl qoymadılar, xaincəsinə həmlələrlə insanlarımızı ödürməkdən, işğal olunmuş torpaqlarımızda tariximizi və dinimizi təhqir etməkdən əl çəkmədilər. Bu gün isə artıq bizim də səbir kasamız dolmuşdur.
Bu gün Vətənimizi işğaldan azad etmək günüdür. Bu gün Vətən uğrunda öldürməyə və lazım gələrsə, ölməyə hazır olan, Vətənini, dövlətini və ailəsini qəlbən sevən oğul və qızlarımızın önə çıxmalı olduqları gündür. Ona görə ki, insan üçün hər zaman birinci Vətən, sonra ana və ailə gəlir!
Mən, Azərbaycan Qol Güləşi Federasiyasının prezidenti Cəsarət Əhmədov, 70 nəfər sağlam əqidəli, vətənpərvər gənc idmançı ilə birlikdə Vətənimizin işğal altında olan torpaqlarının azad olunması üçün gedən döyüşlərə dərhal qatılmaq üçün Ali Baş Komandan cənab İlham Əliyevin əmrini gözləyirik.
Möhtərəm cənab Prezident, cənab Ali Baş Komandan! Bilin ki, bu gün də biz Azərbaycan Qol Güləşi Federasiyası olaraq bütün heyətimizlə, bütün idmançılarımızla hər zaman olduğu kimi, Sizin yanınızdayıq!
Allah Sizi qorusun! Uğur və zəfər hər zaman Sizinlə olsun və olacaq da! Çünki, uca Allah bilir ki, haqq və ədalət bizim tərəfimizdədir!
Yaşasın müstəqil Azərbaycan! Yaşasın Azərbaycan xalqı!
Yaşasın Azərbaycan Ordusunun Ali Baş Komandanı!
Azərbaycan Qol Güləşi Federasiyasının prezidenti,
Avropa Armrestlinq Federasiyasının vitse-prezidenti Cəsarət Əhmədov

Azerinfo.az

ƏVVƏLKİ XƏBƏR

Türkiyənin Ədliyyə naziri Ermənistanın genişmiqyaslı təxribatları ilə əlaqədar Azərbaycanın Ədliyyə nazirinə məktub göndərib

SONRAKI XƏBƏR

Qarabağ məsələsinə Beynəlxalq reaksiyalar necədir?