Əl-Ərəbiyyə telekanalı xəbər verib ki, ABŞ və İran Pakistan və Qətərin iki ölkə arasında danışıqları bərpa etmək məqsədi daşıyan birgə təşəbbüsünə cavab veriblər.
Məlumata əsasən, Qətər, Misir, Pakistan və digər regional vasitəçilər Vaşinqton və Tehrana 10 günlük atəşkəs planı təqdim ediblər.
Planın əsas məqsədi Hörmüz boğazında gərginliyi azaltmaq, beynəlxalq gəmiçiliyin təhlükəsizliyini təmin etmək və diplomatik danışıqlar üçün şərait yaratmaqdır.
Təklif iki əsas şərti nəzərdə tutur: hərbi əməliyyatların dərhal dayandırılması və Hörmüz boğazının beynəlxalq gəmiçilik üçün tam açıq saxlanılması.
Əl-Ərəbiyyə bildirir ki, təşəbbüs Omanın paytaxtı Məskətdə keçirilən danışıqların davamı kimi hazırlanıb.
Mənbə: bizim.media
scorpion.az